Showing posts with label Makala. Show all posts
Showing posts with label Makala. Show all posts

Sunday, May 17, 2015

BUNGE LAGEUKA UWANJA WA MIPASHO. MAKALA

BUNGE LA JAMHURI YA MUUNGANO WA TANZANIA
Kwa takriban wiki moja sasa, Bunge la Jamhuri ya Muungano limegeuzwa uwanja wa kampeni za uchaguzi na watunga sheria wetu wametumia nafasi yao kuonyesha ustadi wao katika mipasho.

Ni Bunge ambalo wananchi wengi waliotaka kulifuatilia walikuwa ni wale waliotaka kusikia vichekesho na ufundi wa kuzima hoja muhimu na kuzifanya kuwa vitu visivyo na manufaa kwa Taifa.

Hayo yote yalitokea wakati Bunge lilipokuwa likijadili Hotuba ya Makadirio na Matumizi ya Ofisi ya Waziri Mkuu ambayo imeomba Sh5.8 trilioni, sawa na zaidi ya robo ya bajeti nzima ya Serikali ya mwaka 2015/16 ambayo ni Sh22.4 trilioni.

Hotuba hiyo ilizungumzia zaidi mafanikio ambayo Serikali ya Awamu ya Nne imeyapata katika kipindi cha miaka 10 na haikujikita sana katika kuangalia vipaumbele ambayo Serikali imeviweka kwa mwaka 2015/16.

Jambo kubwa ambalo limeonekana kuwa dhahiri ni jinsi ambayo Serikali ilishindwa kupeleka fedha Tamisemi, ambayo ndiyo inachukua shughuli nyingi za wizara hiyo kutokana na ukweli kuwa inahusika na Serikali za Mitaa na Tawala za Mikoa.

Imedhihirika kuwa katika mwaka wa fedha wa 2014/15 Serikali ilipeleka siyo zaidi ya asilimia 20 kwa Tamisemi, kitu ambacho kilisababisha miradi mingi ya maendeleo isitekelezwa kwa kiwango chake. Au kwa maana nyingine bajeti hiyo haikumgusa mwananchi kwa kuwa wizara iliyo karibu naye haikupewa angalau nusu ya fedha zilizopangwa kwa ajili ya shughuli za maendeleo.

Kwa kuwa wabunge ni wawakilishi wa hao wananchi, tulitegemea eneo hilo ndilo ambalo lingekuwa msingi mkuu wa mjadala. Tulitegemea waheshimiwa wabunge wangehoji sababu za Serikali kutoipa Tamisemi fedha za kutosha kutekeleza miradi ya maendeleo na nini kifanyike ili udhaifu huo uendelee.

Hata hivyo, kilichotokea ni tofauti. Wabunge waliohoji sababu za Serikali kutoipa Tamisemi fedha za kutosha, wakageuzwa kuwa wanakichokonoa chama na serikali yake na badala ya hoja zao kujibiwa, wakatafutiwa udhaifu wao na ndiyo ukawekwa mbele katika mjadala.

Matokeo yake, mjadala ukapoteza mwelekeo na mambo ya msingi kuhusu maendeleo ya wananchi yakawekwa kando.

Hili linaonyesha dhahiri kuwa wawakilishi wetu hawathamini kodi za wavuja jasho zinazowaweka mjini Dodoma kwa takriban siku 44 ili wajadili maendeleo yao.

Hata mahudhurio yamekuwa ni ya chini na wanaokuwapo ndani ya Ukumbi wa Bunge ni wale wanaosubiri nafasi za kuchangia, wengine wanaendelea kutumbua posho majimboni mwao au sehemu nyingine.

Alipoulizwa kuhusu vitendo hivyo, Naibu Spika Job Ndugai alisema ni vigumu kudhibiti wabunge kufanya kampeni wakati wa kuchangia kwenye mijadala ya hotuba za bajeti, hasa wakati huu wa kuelekea Uchaguzi Mkuu.

Ndugai anamaanisha kuwa hawa wabunge hawakupata nafasi ya kufanya kampeni majimboni mwao kwa kipindi chote bcha miaka mitano waliyokuwa ndani ya chombo hicho cha kutunga sheria.

Au kwa maana nyingine, Ndugai anatueleza kuwa hali itakuwa hivyo kwa siku zaidi ya 30 zilizobaki kwa kuwa hiki ni kipindi cha kuelekea Uchaguzi Mkuu na wao kama viongozi hawataweza kuwadhibiti.

Hatudhani kuwa kauli hiyo ni sahihi na hatuamini kuwa wabunge hawana nafasi nyingine ya kupiga kampeni zaidi ya kipindi hiki.

Tunaushauri uongozi wa Bunge ukune kichwa kuangalia ni kwa jinsi gani itaweza kudhibiti tabia hii na tunaendelea kuwashauri wabunge watambue umuhimu na majukumu yao katika Bunge la Bajeti na kuwatendea walipa kodi kile wanachostahili.


Toka Swahili Hub.

Saturday, September 6, 2014

Mwanaume Mmoja Afunga Ndoa Na Maiti..... Ni Wapi Fuatana Nami Mchimba Riziki Nikujuze


MWANAMUME alishangaza familia yake, marafiki na wanakijiji alipoamua 'kufunga’ ndoa na marehemu mkewe katika kijiji cha Kadzinuni, tarafa ya Kikambala, Kaunti ya Kilifi wakati wa mazishi yake.

Kiti Mwangudza Chilango aliamua kutimiza ahadi aliyokuwa amempatia mkewe miaka michache iliyopita kwamba wawili hao wangefunga ndoa rasmi.

Akiwa amevalia suti, Bw Chilango alisimama kando ya jeneza la mkewe akiwa pamoja na msafara wa wasimamizi wake sawa na jinsi inavyofanyika wakati wa harusi.

Pia kulikuwepo na keki ambayo aliikata na kisha ikagawanywa kwa waombolezaji kabla ya mwili kuzikwa.

Kulingana na rafiki wa karibu wa marehemu, Bi Mbeyu Mbura, Bw Chilango alikuwa amemuoa kwa kitamaduni lakini mkewe alikuwa akishinikiza wafanye harusi kanisani.

Bi Mbeyu alifichua kuwa marehemu ambaye alikuwa akiugua ugonjwa usiojulikana alikuwa amemtaka mumewe aape kuwa atamheshimu kwa kumfanyia harusi awe hai ama akiwa amekufa, na ndio sababu mumewe hakuwa na namna nyingine ila kutimiza ahadi hiyo.

“Tunahofia kuwa kitu kibaya huenda kikatokea kwa mumewe ama familia ikiwa ombi la marehemu halitatimizwa. Mumewe anaweza hata kufa,” alieleza Bi Mbeyu.

Mzee wa kijiji Kai Mwandeje alisema kuwa hakuna jambo kama hilo limewahi kutokea eneo hilo na kusema kuwa kitendo hicho huenda kikaleta matatizo mengine baadaye ikiwa mume ataamua kuwa anataka kuoa tena katika siku za usoni.

“Kuvalia mavazi ya harusi kunamaanisha kuwa roho ya mume tayari imeunganishwa na ya marehemu. Itakuwa vigumu kuoa tena isipokuwa kama ahadi hiyo itavunjwa,” alisema Bw Kai.

Thursday, July 31, 2014

Gaza On Fire: Ghaza Katika Lindi La Moto Na Damu

Gaza On Fire
Utawala wa Kizayuni wa Israel leo umeendelea kudhihirisha sura yake halisi ya ugaidi, ukatili na unyama baada ya kushambulia shule nyingine ya Umoja wa Mataifa katika eneo la Jabali huko katika Ukanda wa Ghaza na kuua raia wasiopungua 20 wa Kipalestina.

 Familia nyingi za Kipalestina zimekimbilia katika shule hizo za Umoja wa Mataifa kwa ajili ya kulinda maisha yao mbele ya mashambulizi ya kinyama yanayofanywa na jeshi la Israel dhidi ya watu wa Ghaza. Shule hiyo ni ya tatu ya Umoja wa Mataifa kushambuliwa na jeshi la Israel katika mashambulizi ya sasa ya utawala huo haramu katika Ukanda wa Ghaza. Makumi ya wengine wamejeruhiwa.



Habari zinasema kuwa zaidi ya Wapalestina 150 wameuawa shahidi katika maeneo mbalimbali ya Ukanda wa Ghaza katika mashambulizi ya jana ya jeshi za Israel. Jeshi la Israel linashambulia kwa makombora taasisi za kiraia na kijamii kama shule na vituo vya elimu, misikiti na makanisa, hospitali, vituo vya umeme na maji na kadhalika.


Gaza On Fire
Ni wiki tatu sasa ambapo wakazi wa Ghaza wanakabiliwa na mashambulizi makali ya nchi kavu, baharini na angani ya jeshi la Israel ambalo halikuwaonea huruma hata watoto wadogo, wanawake wajawazito, wazee na vikongwe. 

Ndege za kivita za Israel na walenga shabaha wa utawala huo ghasibu wamekuwa wakiwashambulia watoto wadogo wa Palestina wanaoonekana wakicheza mitaani. Matukio haya, kama yanavyosisitisza mashirika ya kutetea haki za binadamu, ni kielelezo cha jinai za kivita na jinai dhidi ya binadamu. 

Hadi kufikia leo Wapalestina karibu 1290 wameuawa shahidi na wengine zaidi ya 7115 wamejeruhiwa katika siku 23 za mashambulizi ya kinyama ya utawala haramu wa Israel katika Ukanda wa Ghaza.

Raia wa Ghaza ambao wako katika mzingiro wa pande zote wa Israel kwa kipindi cha miaka saba sasa wanakabiliana na utawala huo katili kwa kila walichonacho huku silaha ya watoto wadogo na wanawake ikiwa ni machozi na mayowe. Maeneo yote ya Ghaza yamejaa damu za mashahidi wanaouawa huku karibu kila nyumba ikiwa katika maombolezo ya ndugu, jamaa au rafiki.


Jambo la kusikitisha zaidi kuhusu matukio ya sasa ya Ghaza ni kimya cha jamii ya kimataifa hususan nchi za Ulaya na Marekani ambazo zimekuwa zikijigamba kuwa wabeba bendera ya kutetea haki za binadamu. Nchi za Magharibi hazikuishia katika kunyamaza kimya mbele ya mauaji hayo ya kutisha yanayofanywa na utawala katili wa Israel huko katika Ukanda wa Ghaza, bali zinausaidia utawala huo wa kigaidi kwa silaha zaidi. Kwa kweli yanayotokea Ghaza ni maafa makubwa ya binadamu ambayo doa lake jeusi litabakia milele katika uso wa historia ya mwanadamu.


Ghaza ya leo ni mtihani mgumu kwa Umoja wa Mataifa, Baraza la Usalama, taasisi za kimataifa na nchi zote zinazodai kutetea haki za binadamu zinazoendelea kunyamaza kimya na kushuhudia kwa macho tu jinsi watu wa Ghaza wanavyochinjwa na mashine ya vita ya Israel.


Katika mazingira hayo linajitokeza swali kwamba je, raia wa Ghaza si wanadamu kama wengine wanaopaswa kudhaminiwa usalama na amani? Je, ni jumuiya na taasisi gani zinazopaswa kuwadhaminia usalama na amani? Ni nini majukumu ya wajibu wa Umoja wa Mataifa la Baraza lake la Usalama katika hali ya sasa ambapo watoto wadogo wasio na dhambi na wanawake wa Ghaza wanaendelea kuchinjwa na kuuawa kama wadudu wasio na thamani?  


Wednesday, July 30, 2014

SHUJAA ALIYEAMBUKIZWA UKIMWI KULIPWA KSH MILLIONI 653........

Mwathiriwa mmoja wa bomu la 1998 atapata Sh652.5 milioni kama fidia baada ya kuambukizwa virusi vya HIV akijaribu kuwaokoa manusura katika shambulizi hilo la kigaidi.

William Maina alikuwa akichokoa vifusi vya jengo la Ubalozi wa Amerika, ambalo liliharibiwa kabisa na shambulizi hilo.


Alishuhudia mbele ya mahakama moja ya Amerika kwamba alikuwa akifanya kazi kando na ubalozi huo wakati wa shambulizi, na alikimbia eneo la mkasa kusaidia katika juhudi za uokoaji.
Ni katika shughuli hizo za kuwasaidia wahasiriwa ambapo alipata majeraha na mikwaruzo iliyofanya damu yake kuchanganyika na ya wahasiriwa.
Bw Maina baadaye alipatikana kuwa na virusi vya HIV ambavyo husababisha ugonjwa wa Ukimwi. Alitoa ushahidi mahakamani kuonyesha hakupata ugonjwa huo kwingine.
“Ingawa alikuwa na majeraha madogo tu ya kimwili wakati wa juhudi za uokoaji, HIV ni ugonjwa sugu, hatari na wenye kusababishia mtu fedheha unaohitaji matibabu ya maisha,” Jaji wa Amerika John Bates alisema katika uamuzi wake.
Mwathiriwa mwengine Jael Oyoo pia alifidiwa. Bi Oyoo alitolewa kwenye vifusi na waokoaji na alipata majeraha mabaya ya moto usoni na kichwani. Waokoaji walidhania alikuwa amefariki.
Kadhalika, alipoteza uwezo wa kuona katika jicho lake la kushoto na kuathiri mno kuona katika jicho la kulia. Alikuwa hospitalini kwa miaka miwili.
Wawili hao ni miongoni mwa waathiriwa wa shambulizi hilo la bomu dhidi ya ubalozi wa Amerika mjini Nairobi, waliofidiwa baada ya kupata majeraha mabaya.
Waliopoteza waume au wake zao watapata kiasi cha hadi Sh696 milioni. Wengine watapewa Sh609 milioni.

Katika uamuzi wake, Bw Bates alitoa Sh435 milioni kwa waathiriwa wa majeraha mabaya ya kimwili, kwa mfano kuvunjika sehemu za mwili, maumivu ya nyama na makovu pamoja na waaathiriwa wa kisaikolojia.

Iwapo uchungu wa kimwili na kisaikolojia ni mwingi sana – kama waathiriwa waliopata majeraha mengi na mabaya na waliopoteza uwezo wa kuona na kusikia ama waliodhaniwa kuwa wamefariki – mahakama imetoa hadi dola milioni saba (Sh609 milioni) na zaidi,” Bw Bates alisema katika kesi iliyowasilishwa na Milly Mikali na wengine.
Walikuwa wameshtaki Jamhuri ya Sudan kwa shambulizi hilo la kigaidi.
Lakini kwa waliopoteza wake au waume zao, Jaji alisema watapewa Sh696 milioni kama fidia ya wapenzi wao waliopoteza maisha.
Aidha, kwa waathiriwa waliopata majeraha ya kiakili kuandamana na majeraha madogo ya kimwili, Jaji aliamua watalipwa kati ya Sh130 milioni na Sh261 milioni. Kwa waliokuwa na majeraha kwa saa kadha, watapata fidia ya Sh87 milioni.
Iwapo kipindi cha maumivu ni kidogo atapata pesa kidogo. Kwa mfano, aeleza jaji, waliokuwa na majeraha kwa dakika 10 watapata Sh43 milioni.

Source Taifa Leo

Friday, June 13, 2014

Jela Miaka Mitatu Kosa Ni Kufanya Mapenzi Na Godoro.

Mpenziwe Edwin Tobergta
Ohio, USA:
Jamaa mmoja nchini Marekani ametupwa korokoroni kwa kufanya tendo la ndoa na Godoro, inadaiwa kwamba sii Mara ya kwanza kwa nchemba huyo kufanya hivyo.

Edwin Tobergta, mwenye miaka 35,anahistoria ndefu kuhusishwa  kufanya mapenzi na godoro lake kila mara. Inadaiwa kuwa hata mwaka jana alifungwa jela kwa kosa la kufanya mapenzi na godoro lake mbele ya watoto.

Alifunguliwa mashitaka na watu anaoishi nao na alifungwa miezi kumi na moja.

Lakini Tobergta, aliyevaa T-sheti yenye maneno haya alipokamatwa.
"I'm out of my mind, please leave a message" 

Edwin alikamatwa siku ya jumatano kwa kosa la kufanya mapenzi na godoro lake kwenye barabara ya ya magari ya Hamilton, Ohio.

Sunday, June 1, 2014

Unajuwa Nini Kuhusu Freemasons? Leo Nakutajia Mitume Kumi Na Wanane Wa freemasons..

Na Mathayo T Ngotee
Charta Ya Freemasons

Freemasons au Illuminati kama inavyojulikana na watu wengi nchini Kenya Ni dini Iliyokuwa kwa kasi kubwa sana katika karne ya 21. Dini hii imesambaa kote ulimwenguni kwa kasi kubwa sana. Dini hii imewateka watu wa rika mbalimbali wenye ulafi wa utajiri.

Katika vitabu vingi vya freemasons mitume walioandikwa wametoka katika kitabu takativu cha biblia. Nadhani hili halitakuwa na ubishi ukitegemea kuwa hawa freemasons chanzo chao ni kutokana kwa kuasi dini ya ukristo na kuanzisha dini yao.

Jumba La Freemasons
Dini hii ya freemasons ilitokana na wajenzi waliokuwa wakijenga kanisa la katoliki huko Roma Italia. Dini hii imekuwa dini ya siri kuliko dini zingine zote duniani. Dini hii inaarifiwa kuwa wengi waliomo ndani ni matajiri wakutupwa pia wanasiasa wengi duniani ni wafuasi wa dini hii ya siri.

 Pia kunaarifiwa kuwa watu wengi mashuhuri ni wafuasi wa dini hii iliyoenea Afrika mashariki pia, Viongozi wengi wa afrika mashariki wameripotiwa kuwa wafuasi wa dini hii. Watu Maarufu ulaya na Afrika Wapo,Vilabu vya soka,na Wanamuziki wengi wapo katika dini hii inayojiita The Secret Group.

Katika Makala Haya Nitawataja Mitume hao Kumi na wanane wanaopendwa na kudhaminiwa zaidi katika dini hiyo ya freemasons...

Listi ya Kwanza ni wale wakuu ambao wako nane
1.Joshua
2.Waamuzi
3.Samweli Wa Kwanza
4.Wafalme wa Kwanza
5.Wafalme wa Pili
6.Isaya
7.Yeremia
8.Ezekiel

Na Mitume wengineo ni
9.. Hosea
10.Amos
11.Obadia
12.Joeli
13.Yona
14.Mika
15.Nehemia
16.Habakuki
17.Zephania na
18.MAlaki

Kwa Hivyo basi kwa hitimisho hawa ndio mitume kumi na wanane wa Freemasons. Nipende kuwaambia kwa wale wakristo msishangae kuwa kunakuwaje wawe wa kutoka kwenye biblia ni kwamba ukweli kwamba freemasons ni wakatoliki walioasi dini. Pia Biblia ni kitabu kinachotumika na freemasons.

Thursday, May 8, 2014

Abdulfatah al Sisi mwanajeshi Anayetaka Urais Misri.

Abdulfatah al Sisi mwanajeshi anayegombea katika uchaguzi wa rais wa Misri na ambaye siku hizi ndio gumzo la siku katika vyombo vya habari, amesema katika mahojiano na kanali ya CBC kwamba nchini Misri hakuna tena kitu kinachojulikana kama Ikhwanul Muslimin.

Al Sisi pia amejiarifisha kuwa ndiye mwakilishi wa wananchi wa Misri, na kwamba yeye si mgombea wa jeshi.

Wakati huo huo amesisitiza kuwa iwapo atashinda urais, Misri itashuhudia matukio mazuri.

Ingawa matamshi hayo yanaweza kutafsiriwa kuwa ya kampeni, lakini kutamka wazi jenerali huyo wa zamani wa jeshi kwamba harakati ya Ikhwanul Muslimin haina tena nafasi nchini Misri, kunaonesha kuwa atakabiliana vikali na wapinzani, suala linalokinzana na misingi ya demokrasia na uhuru wa kujieleza.

Wakati huo huo, makundi ya kutetea haki za binadamu nchini humou sambamba na kusema kuwa al Sisi anaungwa mkono na wanajeshi, yamesisitiza kuwa jeshi linazuia uhuru wa vyombo vya habari na wapinzani wa kisiasa.

Wananchi wa Misri bado hawajasahau kipindi cha miaka 30 ya kutekelezwa sheria ya hali ya hatari, iliyouwezesha utawala wa dikteta Hosni Mubarak kuwanyanyasa na kuwatia mbaroni wapinzani.

Pia tangu jeshi lilipompindua Rais Muhammad Mursi aliyechaguliwa na wananchi,

serikali ya mpito inayoungwa mkono kwa kiasi kikubwa na jeshi nayo pia inaendeleza mwenendo huo huo.  Serikali ya Misri kwa kuitangaza harakati ya Ikhwanul Muslim kuwa ni kundi la kigaidi,

harakati ambayo kwa muda wa mwaka mmoja ilitawala Misri, kivitendo imeonesha kuwa siasa zake ni kama za  utawala wa kijeshi wa Hosni Mubarak.

Moja ya sifa za watawala wa kijeshi wa Misri zilikuwa ni ukandamizaji na hivi sasa pia serikali ya mpito ya Cairo inaendeleza mwendo huo.

Jambo la kuzingatia hapa ni kuwa, al Sisi anajiona kuwa mwakilishi wa wananchi na sio jeshi.

Lakini kwa karibu miezi 10 iliyopita jeshi ndilo limekuwa likisimamia masuala ya Misri.

Kwa maelezo hayo ni wazi kuwa, hata kama Adil Mansour ndiye rais wa serikali ya mpito  lakini kivitendo nchi imekuwa ikiongozwa na jeshi.

Jenerali Abdulfatah al Sisi aliyekuwa mkuu wa majeshi ya Misri ameingia katika kinyang'anyiro cha kugombea urais kwa kujivika vazi la kiraia, ili kwa mara nyingine aweze kuihusisha utawala wa kijeshi katika muundo wa kisiasa wa nchi hiyo.

Mwaka mmoja ambao Muhammad Musri aliongoza serikali ya Misri, ulikuwa ni wakati mgumu mno kwa wanajeshi waliokuwa wamezoea kudhibiti nguzo zote za kisiasa, kiuchumi na kiusalama.

Hata utawala wa Kizayuni, Marekani na madola ya Kiarabu ya pembezoni mwa Ghuba ya Uajemi pia yalionesha wasiwasi kutokana na Misri kuongozwa na utawala wa kiraia ulioletwa na kundi la Ikhwanul Muslimin.

Lakini baada ya jeshi kuipindua serikali ya Misri, wimbi la misaada ya kifedha na kisiasa ya Wamagharibi na serikali za Kiarabu lilianza kumiminika kwa serikali ya mpito ya wanajeshi.

Suala hilo linabainisha wazi kuwa, ushindi wa wanajeshi nchini Misri una umuhimu mkubwa  kwa nchi hizo za Magharibi na Kiarabu.

Lakini jambo lililo wazi ni kuwa, nchini Misri kila siku zinavyozidi kusonga mbele ndivyo malengo ya wanapambinduzi yanavyozidi kupewa mgongo huku jeshi likipiga hatua za kushika madaraka.

Hali hiyo ina maana kuwa, utawala wa kijeshi unakaribia tena kuasisiwa nchini humo suala linaloashiria uwezekano wa kuanza tena uasi, upinzani na machafuko mapya katika nchi hiyo ya Kiarabu ya kaskazini mwa Afrika.

Wednesday, May 7, 2014

Uchaguzi mkuu Afrika Ya Kusini.

Uchaguzi mkuu nchini Afrika Kusini, utafanyika leo Jumatano.

Kwa mujibu wa uchunguzi wa maoni, ushindani mkali utakuwa kati ya wagombea watatu kutoka vyama vya ANC, chama cha upinzani cha muungano wa kidemokrasia na chama cha wapigania uhuru na uchumi.

Kuna jumla ya wagombea elfu nane na 651, ambao wanatoka katika vyama 45 vya kisiasa, watakaochuana katika uchaguzi huo.

Uchaguzi mkuu nchini Afrika Kusini hufanyika kila baada ya miaka mitano.

Mbali na Rais, katika uchaguzi huo huchaguliwa pia wawakilishi wa wananchi katika bunge linaloundwa na wajumbe 400 na wawakilishi 90 wa baraza la kitaifa la mikoa tisa ya nchi hiyo.

Zaidi ya watu milioni 25 yaani karibu nusu nzima ya wananchi wa Afrika Kusini, wamejiandika kushiriki katika uchaguzi huo.

Afrika Kusini ina jumla ya watu milioni 53 ambapo asilimia 80 kati yao ni watu weusi, na asilimia 9 pekee ikiwa inaundwa na watu weupe.

Hii ni katika hali ambayo matokeo ya uchunguzi wa maoni uliofanyika nchini humo yanaonyesha kuwa, chama tawala cha ANC kitashinda katika uchaguzi mkuu huo utakaofanyika hivi leo, kwa kujipatia asilimia 63 ya kura zote kiwango ambacho kiko chini ya asilimia tatu ikilinganishwa na kura za uchaguzi wa mwaka 2009..

Endelea kufuatilia Mchimba Riziki itakuletea matokeo hayo.

Wednesday, April 2, 2014

Zimwi La Ugaidi Nairobi... Uchambuzi Kuhusu Kuzorota Kwa Usalama Nairobi..

Wapelelezi wakitafuta ushahidi siku ya Jumanne (tarehe 1 Aprili) kwenye eneo ambapo mlipuko wa bomu ulitokea katika kiunga cha Eastleigh, Nairobi. Milipuko mengine mitatu iliyotokea karibuni kwa wakati mmoja siku ya Jumatatu iliwauwa watu sita na kuwajeruhi wengine kadhaa
Mashambulizi ya kigaidi ya hivi karibuni kabisa katika kiunga cha Eastleigh, Nairobi, ambayo yaliuwa watu sita na kuwajeruhi wengine 25 siku ya Jumatatu (tarehe 31 Machi), yamewafanya wakaazi wa mji huo kuwa na hasira na kufikiria ikiwa kweli kuna siku serikali itakayoweza kukomesha tatizo la ugaidi linalozidi kuchipuka.


Milipuko iliyotokea takribani wakati mmoja ililenga mikahawa miwili iliyo kwenye eneo yenye watu wengi kwenye kiunga hicho cha Eastleigh barabara ya 12 second evanue, kiasi cha saa 7:30 magharibi.

Polisi walikuwa bado wanajaribu kutambua aina gani ya milipuko iliyotumika, huku kamanda wa polisi wa Nairobi, Benson Kibue, akisema moja kati ya milipuko hiyo inaweza kuwa bomu la kutengenezwa kienyeji na mashahidi wengine wakisema moja au guruneti zaidi ya moja yalirushwa.

"Tupo hapa kwenye eneo la tukio. Bila ya shaka tunashuku kuwa yalikuwa mashambulizi ya kigaidi," Kibue aliwaambia waandishi wa habari.
"Idadi ya waliojeruhiwa imefikia 25 - wako kwenye hospitali mbalimbali - na tumepata miili saba," alisema.

Wengi ya wale waliojeruhiwa walipelekwa kwenye hospitali za Mother and Child, Guru Nanak, Madina na Hospitali ya Taifa ya Kenyatta.

Mashambulizi hayo yalihusisha maguruneti yaliyovurumishwa kwenye mikahawa miwili - Sheraton na The New Kwa Mzairua Super Grill Centre - zinazotengana kiasi cha mita 300, Mkuu wa Kituo cha Polisi cha Starehe, Barasa Wabomba, ambaye Eastleigh iko chini yake, aliwaambia waandishi.

Mmiliki wa mkahawa ya Sheraton, Patrick Gakuyu, ambaye alinusurika akiwa amepata majeraha madogo madogo, aliwaambia waandishi kwamba mkahawa wake ulikuwa umejaa wateja ambao walikuwa wakila huku wakiangalia taarifa ya habari kwenye televisheni.

Gakuyu, aliyekuwa amechanganyikiwa kila akikumbuka tukio hilo, alisema alikuwa akichukua mahitaji ya mteja mmoja ndipo pale milio miwili mikubwa ilipoukumba mkahawa wake.
"Baada ya mlio huo, sikuona zaidi ya hapo kwa sababu chumba kilitandwa na giza na moshi zito," alisema.

Alipokimbilia kwenye mlango kujiokoa akiwa na wateja wengine waliochanganyikiwa, walishtuka kukuta kuwa washambuliaji waliufunga kwa nje. "Hatimaye tuliuvunja kwa msaada wa wasamaria wema, lakini ni hapo ndipo tulipoelewa balaa zima la mashambulizi," alisema.

"Kulikuwa na damu na vipande vya miili ya wanadamu iliyotapakaa nje ya mkahawa huo, bila ya shaka ikionesha juhudi za wateja kukimbia au kuashiria athari mbaya kabisa ya mlipuko huo," alisema. "Kulikuwa pia na viti na meza zilizovunjika zilizotapakaa kote, vile vile na vitu vya watu kama viatu na simu za mkononi."

Polisi yakamata watuhumiwa 657

Patrick Gakuyu, mmiiki wa Mkahawa wa Sheraton, akiwaelezea waandishi wa habari juu ya hali mbaya aliyoishuhudia nje ya mkahawa wake baada ya mashambulizi siku ya tarehe 31 Machi
Wakaazi wa Eastleigh wenye hasira wanataka majibu kutoka serikalini, wakivituhumu vyombo vya usalama kwa kuwa wazembe katika vita vya nchi hiyo dhidi ya ugaidi.

"Ni siku moja tu [baada] gaidi mmoja kufa kwenye nyumba iliyo kwenye eneo hilo hilo baada ya bomu alilokuwa akiliunda kumripukia," alisema Rosemary Muthoni mwenye umri wa miaka 35, muuzaji wa vitabu visivyo vipya huko Eastleigh.

"Nilitarajia vyombo vya kutekeleza sheria kuchukua tahadhari baada ya makosa ya siku ya Jumapili na kufanya msako wa mlango hadi mlango ili kuwatoa nje magaidi," aliwaambia waandishi, na kupendekeza kama walifanya hivyo, wangeweza kuzuia mashambulizi siku ya Jumatatu na kuokoa maisha ya watu wasio na hatia .

Muthoni alisema watu watatu ambao inadaiwa walikimbia kutoka eneo la tukio siku ya Jumapili katika gari nyeupe inaweza kuwa ndio walioshiriki katika mashambulizi ya mikahawa miwili siku ya Jumatatu.

"Tumechoshwa na mashambulizi haya ya kigaidi yasiyo na mwisho," alisema Joel Kariuki, mwenye umri wa miaka 25, mwanafunzi wa mwaka wa tatu wa shahada ya biashara katika Chuo Kikuu cha Nairobi. "Inaonekana hakuna dhamana ya usalama wetu kwa sababu kama makanisa, matatu, baa na migahawa sasa yote yanalengwa na magaidi, basi pengine vyuo vikuu vitafuatia karibuni."

"Hebu serikali ijitahidi katika kukusanya na kuchukua hatua juu ya taarifa za kiintelijensia," aliwaambia waandishi.

Polisi ilianzisha operesheni ya usalama huko Eastleigh kufuatia mashambulizi ya siku ya Jumatatu, na kuwakamata washukiwa 657, alisema Waziri kwa Mambo ya Ndani na Uratibu wa Serikali ya Kitaifa Joseph Ole Lenku.

Lenku alisema operesheni zitaendelea mpaka wahusika watakapofikishwa mbele ya sheria, na alitoa wito kwa wakaazi kushirikiana na wafanyakazi wa usalama na kujitolea kwa habari ambazo zinaweza kusababisha kukamatwa kwa watuhumiwa.

"Tendo hili la kiwoga linalofanywa dhidi ya Wakenya wasio na hatia na wapenda amani ambao walikuwa wanafanya shughuli zao za kawaida ni vya kinyama na hatua za haraka zimechukuliwa na vyombo vyetu vya usalama," alisema katika taarifa yake siku ya Jumanne.

Kushindwa vita dhidi ya ugaidi?

Mabaki ya The New Kwa Mzairua Super Grill Centre huko Eastleigh kufuatia mashambulizi ya tarehe 31 Machi. 
Shambulio la Jumatatu linafuatia tukio la tarehe 23 Machi karibu na Mombasa, ambako watu wenye silaha waliingia katika misa kanisani huko Likoni, na kuufyatulia risasi mkusanyiko huo, na kuua watu sita na kujeruhi wengine 17.

Huko Mombasa pia, polisi walikamata gari lililoonekana nchini visivyo halali tarehe 11 Machi, na kugundua wiki mkoja baadaye kuwa lilikuwa na bomba sita za mabomu zilizowekwa katika viti vya nyuma zilizofichwa ndani ya gari hilo.

"Nina wasiwasi kwamba serikali yetu inapoteza vita dhidi ya ugaidi," alisema Angela Kendi, meney umri wa miaka 48, mfanya biashara ndogo ndogo huko Eastleigh. "Mimi nimechoka kusikia vitisho vitupu kwa magaidi kutoka kwa rais, makamu wake na Inspekta Jenerali wa Polisi. Kwa nini hawawezi kuhifadhi tu maneno yao, kuchukua hatua na kuwateketeza watu hawa waovu?"

Alisema kutoa muda wa mwisho kwa magaidi badala ya kuchukua hatua dhidi yao hakujawahi kufanya kazi na inahatarisha hali ya usalama kwa gharama ya maisha, uharibifu wa mali na uharibifu wa uchumi.

Ahmed Ali, mwenye umri wa miaka 33, mwangalizi wa ghala la mavazi katika Eastleigh, anasema serikali inapaswa kukaza doria mpakani na kuvifunga vituo vyote vya kuingia Somalia ili kupata usalama wa nchi.

"Ni wazi kwamba magaidi wa al-Shabaab wamechagua kufanya mashambulizi Eastleigh kwa sababu wanajua eneo hili lina maelfu ya Wakenya wenye asili ya Somalia, na kwa hiyo wana uwezo wa kuchanganyika na sisi kwa urahisi," alisema.

Ali alisema kuwa yeye, kama Wasomali wengine, alikuwa na wasiwasi na mashambulizi ya kulipiza kisasi kutoka kwa wasiokuwa Waislamu na unyanyasaji unaofanywa na vyombo vya usalama.

"Kila wakati magaidi wanapopiga, mambo kama hayo hutokea na tutoweka, kuwepo kwa uzorotaji wa usalama usio wa lazima," aliwaambia waandishi. "Natumaini wakati huu, watakwenda kuwafuata magaidi na kutokomeza janga hili kutoka kwetu."

Friday, February 28, 2014

Facebook, Instagram na WhatsApp Kusitisha Huduma Zao Uganda






Makampuni makubwa tatu ya mitandao ya kijamii maarufu kama Facebook,Instagram na WhatsApp zimetishia kwamba zinaweza kusitisha huduma zao nchini Uganda,Hayo yalisemwa mnamo tarehe 25 mwezi wa pili mwaka huu 2014.

Hayo yalikuja baada ya rais wa Uganda Mheshimiwa Yuheri Kaguta Museveni kusaini mswada uliowasilishwa kwake na bunge na kuifanya kuwa sheria ya kupingana na vitendo vya kishoga.

Mataifa makubwa yenye uwezo kiuchumi yameitishia Uganda kutowapa misaada kwa sababu ya kuruhusu sheria hiyo mpya ya kukataa ushoga, Marekani ndio iko mstari wa mbele kuikandamiza Uganda isipitishe sheria hiyo lakini Rais Museven alikaidi amri hiyo.


Hii ni mojawapo ya malalamiko kutoka kwa wamiliki wa mitandao hayo:
STATEMENT FROM FACEBOOK ON ANTI-HOMOSEXUALITY LAW
When we launched Facebook, we thought it as a platform to advance people’s rights and liberties of self expression in all form. We were equally shocked to learn that Uganda as a country had gone ahead to sign the Anti Homosexuality bill into a law.
Facebook is currently reviewing its engagement to Uganda, as we seek to come up with a voice to express our dissatisfaction. And of course, suspending our operations in Uganda is one of the options we are considering. In the event that we suspend operations in Uganda, our platforms of Instagram, Facebook and Whatsapp will be off for a time we shall deem necessary.
We strongly condemn the act of the Ugandan Government to overstep the rights of a minority. All humans are created equal and deserve a right to freedom and happiness.
Signed
Sheryl Kara Sandberg 
Chief Operations Officer (COO) At Facebook




mchimba riziki

Wednesday, February 19, 2014

Kuchinja Punda Halali Kenya... Bucha Ya Kwanza Kuzinduliwa Karibuni


VIONGOZI mjini Nakuru wameteta vikali baada ya kichinjio cha nyama ya punda kujengwa huko Naivasha. Hata hivyo, kunao waliosifu hatua ya kujenga kichinjio hicho wakisema ni biashara mwafaka.

Punda

Naibu Gavana wa Nakuru John Ruto alipinga vikali uwepo wa kichinjio hicho huko Maraigushu.
Mbunge wa Naivasha John Kihagi naye alisema hatua hiyo chafulia Naivasha jina.
Bw Ruto alisema mkutano wa washika dau akiwemo Mkuu wa Bora Afya wilayani Naivasha na Mkuu wa Idara ya Matibabu ya Mifugo wataitwa ili kuelezea ni kwa nini walikubali ombi la kujengwa kwa kiwanda hicho ambacho kitagharimu Sh15 milioni.


Kichinjio hicho ambacho kinamilikiwa na wawekezaji kutoka China na Kenya kiko tayari kufunguliwa baada ya wiki mbili zijazo mara tu serikali itakapotoa vibali vya kusafirisha nyama hiyo kwenda Uchina.
Nyama Ya Punda

“Hii itachangia wizi wa punda na kisha kuuzwa hapo huku wasafirishaji nyama wakibeba mizoga ya punda bila kujali kwani sasa itakuwa halali,” alilalamika mbunge wa Naivasha John Kihagi.


Lakini Mkurugenzi wa kiwanda hicho John Kariuki alipinga madai hayo akisema tayari wameweka makubaliano na wafugaji wa punda huko Baringo, Nakuru, Laikipia na Samburu na hivyo basi wako tayari kuanza kazi hiyo ambayo itawapa watu 30 kazi huku wengine 100 wakiajiriwa kama wafanya kazi na madereva humo.

Mbunge wa Molo Jacob Macharia alifurahia biashara hiyo akisema sasa Wakenya watapata nafasi ya kubadili mawazo potovu kuhusu nyama ya punda ambayo imekuwa ikiuzwa kisirisiri katika maduka mbali mbali ya nyama, hasa ile ya nyama choma na chemsha.

Bw Kihagi alisema huenda akaelekea mahakamani kupinga ufunguzi rasmi wa kiwanda hicho akisema kinaharibia wananchi na wanabiashara wa nyama jina huko Naivasha na hivyo hakifai kufunguliwa kamwe.



Nafasi za kazi:
Lakini kiwanda kimepata idhini kutoka kwa serikali huku nia yake ikiwa ni kuchinja punda na hatimaye kusafirisha nyama hiyo hadi Uchina ambako ulaji wa punda ni kawaida.

Nyama Ya Punda
Bw Macharia alisema kiwanda hicho kitaongeza nafasi zaidi za kazi huku wakulima wakianza kufuga punda wa nyama na kuwauzia Wachina kwa njia iliyo halali.

Wazo hilo pia lilipata kuungwa mkono na Mwakilishi wa Chama cha Wanabiashara Bw Njuguna Kamau  ambaye alisema Kenya inahitaji viwanda vingi ili kuongeza nafasi za kazi kote nchini.




Mchimba Riziki

  

Wednesday, February 12, 2014

PASTOR MAINA AOMBA MSAMAHA KWA FAMILIA YAKE BAADA YA KUKAMATWA AKIZINI NJE YA NDOA

Friday, February 7, 2014

MABASHA WAZINDUA KITABU NAIROBI

MABASHA Jumatano walizindua kitabu chao kama hatua mojawapo ya kutaka kukubalika nchini Kenya; takriban wiki mbili tu baada ya mwandishi maarufu wa vitabu Bw Binyavanga Wainaina kujitokeza hadharani na kusema kuwa ni shoga.
Nakala Ya Kitabu Cha Mabasha Kilichozinduliwa Nairobi Jumatano. 
Kitabu hicho chenye kichwa: Wasioonekana - Hadithi za Jamii Fiche nchini Kenya, kimeandikwa na aliyekuwa mwanahabari na mwanaharakati wa kutetea haki za mashoga, Bw Kevin Mwachiro.

 Kitabu hicho chenye  kurasa 114 kinajumuisha mkusanyiko wa hadithi za watu ambao wanadaiwa kupitia hali ngumu baada ya kudhihirika kuwa ni mabasha katika maeneo yote nchini.

Kulingana na Bw  Mwachiro, 40, kuna Wakenya wengi ambao hawajaweka hadharani kuwa wana uhusiano na watu wenye jinsia moja kutokana na hofu ya kutengwa  na jamii.

Huku hafla ya uzinduzi wa kitabu hicho, jijini Nairobi iliyohudhuriwa na wanaharakati mbalimbali wa kueteta haki za mabasha, Bw Mwachiro alisema mabasha wamenyimwa nafasi yao katika jamii nchini Kenya.

“Naamini kitabu hiki kitaifanya jamii kuamini kuwa mabasha wanapatikana katika maeneo yote nchini Kenya na wala sio Mombasa,”  akasema Bw Mwachiro ambaye alikuwa mwandishi wa habari wa Shirika la Habari la Uingereza (BBC).

Katiba
 “Kwenye Jarida la kitabu changu kuna mguu wa mtu ambaye huwezi ukatambua ikiwa ni mwanamke au mwanaume, hiyo ina maana kuwa watu unaokutana nao mitaani huwezi hukawatambua kuwa wana uhusiano wa aina gani,” akaeleza.

Kenya ni miongoni mataifa ya Kiafirika ambayo yameharamisha ndoa za jinsia moja. Hata hivyo, mabasha wanadai kuwa ushoga na usagaji vimejumuishwa katika katiba kwani katiba imempatia Wakenya haki ya kushirikiana na  mtu yeyote. Barani Afrika, nchi ya Afrika Kusini ndiyo ilikuwa ya kwanza kuhalalisha ndoa za jinsia moja mwaka wa 2006.

Bw Binyavanga ambaye alikuwepo katika uzinduzi huo aliwataka mabasha ambao wanaona haya kujitangaza wafanye hivyo huku bado wakiwa hai.

Bw Binyavanga alipasua mbarika kuwa ni shoga wiki mbili zilizopita jambo ambalo lilileta mjadala mkali nchini huku baadhi wakimtaja kama shujaa ilhali wengine wakishutumu hatua hiyo.


Chanzo Swahili Hub
Mchimba Riziki

Copyright © 2014. Mchimba Riziki- All Rights Reserved

Map

Live score